ឡូយមែន ហើយស្អាតទៀត! ក្រុមហ៊ុន Honda បានប្រកាសនាំចេញម៉ូតូ អាគុប Super Cub ឆ្នាំ ២០១៨ ជាផ្លូវការហើយ

ភ្នំពេញ៖ ក្រុមហ៊ុនធំ ឈ្មោះ Honda បានប្រកាសនាំចេញនូវស៊េរីម៉ូតូថ្មី Super Cub ឆ្នាំ ២០១៨ ជាផ្លូវការដោយមានជាពីរម៉ូដែល រួមមាន Super Cub 50 និង Super Cub 110 ហើយថែមទាំងមានជាប្រភេទ Pro និងប្រភេទ Standard ទៀតផង វាពិតជារឿងដ៏គួរឲ្យចាប់អារម្មណ៍មួយសម្រាប់ការ ច្នៃប្រតិដ្ឋថ្មី របស់ករុមហ៊ុនផលិតម៉ូតូ Super cub នាចុងឆ្នាំ២០១៧ នេះផងដែរ ។

ក្នុងនោះផងដែរ Super Cub ស៊េរីថ្មីនេះមានរចនាបថរូបរាងបែបបុរាណ ប៉ុន្តែមានបំពាក់នូវបច្ចេកវិទ្យាទំនើបដូចជាមានភ្លើងស៊ីញ៉ូជាប្រភេទភ្លើង LED, ម៉ាស៊ីនប្រើប៊ិចបច្ចេកវិទ្យា PGM-Fi និងចង្កឹះលេខ ៤ វគ្គ ជាដើម ។ ចំពោះទំហំម៉ាស៊ីនវិញប្រភេទ Super Cub 50 មានម៉ាស៊ីនទំហំ ៥០ សេសេ បង្កើតកម្លាំងបាន ៣,៧ សេះ និង Super Cub 110 មានម៉ាស៊ីនទំហំ ១១០ សេសេ បង្កើតកម្លាំងបាន ៨ សេះ ។ យ៉ាងម៉េចដែរគួរឲ្យចាប់អារម្មណ៍ដែរឬទេ?

ហើយសម្រាប់ប្រភេទ Super Cub Standard ត្រូវបានបំពាក់ដោយកង់ម៉ូតូទាំងពីរប្រើប្រភេទហ្វ្រាំងស្បែក និងមានកង់ទំហំ ១៧ អ៊ីញ។ ចំណែកប្រភេទ Pro វិញមានកង់ទំហំ ១៤ អ៊ីញ និងមានបំពាក់កន្ត្រក់ធំមួយនៅផ្នែកខាងមុខ ដ៏ស្រស់ស្អាត ។ នៅពីក្រោយប្រភេទ Pro មានកែបដែកយ៉ាងធំទូលាយ ដោយប្រភេទ Pro នេះផលិតឡើងជាពិសេសសម្រាប់អ្នកដឹកជញ្ជូនកាសែត និងអ្នកលក់ទំនិញតូចតាចនៅជប៉ុន ពិតជាអ៊ែមមែន។

រីឯតម្លៃសម្រាប់ប្រភេទ Standard មានចាប់ពី ២០៧០ ដុល្លារសម្រាប់ម៉ូដែល Super Cub 50 និង ២៤៥០ ដុល្លារសម្រាប់ Super Cub 110។ ចំណែកឯប្រភេទ Pro វិញមានតម្លៃ ២២៦០ ដុល្លារ ចំពោះម៉ូដែល Super Cub 50 និង ២៦៥០ ដុល្លារចំពោះម៉ូដែល Super Cub 110។ លើសពីនេះ Honda ក៏បានប្រកាសពីការប្ដូរសង្វាក់ផលិតកម្ម Super Cub ពីប្រទេសចិន មកផលិតនៅរោងចក្រ Kumamoto ប្រទេសជប៉ុនវិញ៕